Aqmola oblysynda 7-shi qysqy Azııa oıyndary alaýynyń sherýi bastalyp ketti
KÓKShETAÝ. 22 qańtar. QazAqparat /Janmurat Janaıdarov/ - Keshe keshkilik «Kókshetaý» áýejaıynda Petropavldan Azıada alaýyn jetkizgen ushaqty joǵary jáne arnaýly oqý oryndarynyń stýdentteri men oqýshylar, jastar, qala turǵyndary saltanatty jaǵdaıda qarsy aldy.
Áýejaıda BAQ ókilderimen baspasóz máslıhaty ótkizilip, is-shara Azıada alaýyn «Qazaqstan halyq Banki» Aqmola fılıalynda arnaıy saqtaýǵa qoıýmen ulasty. Búgin estafeta sherýi Şýche-Býrabaı kýrorty aımaǵy men Kókshetaý qalasynda óz jalǵasyn tabatyn bolady. Іs-shara aıasynda aımaqtaǵy sport keshenderinde, «Táýelsizdik», Abylaı han alańdarynda jurtshylyqpen júzdesý qarastyrylǵan. Óńir basshysy Sergeı Dıachenkonyń qolyna tabystalǵan alaýdy esimi álemge tanymal sportshylar, belgili kásipkerler, mádenıet jáne óner qaıratkerleri, óńirdiń qurmetti azamattary qoldan qolǵa ótkizetin bolady. Sherýge 60 alaý ustaýshy qatyspaq. Shara barysynda Azıadanyń mańyzy, oǵan aqmolalyqtardyń qatysýy, jerlesterine júkteler mindet aýyrtpalyǵy tilge tıek etilip, gala-kontsertke ulaspaq.
