Aqmola oblysynda 624 ruqsat etilmegen qoqys tógý orny anyqtaldy
NUR-SULTAN. QazAqparat – Aqmola oblystyq ekologııa departamenti Kókshetaý qalasynyń mańynda ruqsat etilmegen qoqys oryndaryn joıý boıynsha baspasóz týryn ótkizdi, dep habarlaıdy QazAqparat tilshisi.
QR Ekologııalyq, geologııa jáne tabıǵı resýrstar mınıstrliginiń málimetinshe, is-sharaǵa departament basshylary Q.Beısenbaev, E.Ahmetov, «Adaldyq alańy» jobalyq keńsesiniń ókilderi, Kókshetaý qalasy ákimdiginiń, Kókshetaý qalasynyń TKSh jáne JK basqarmasynyń ókilderi, LS-Kókshetaý kompanııasynyń ókilderi, BAQ ókilderi («Arqa Ajary», «Akmolınskaıa pravda», «Ekologıcheskıı vestnık», «ıÝrıdıcheskaıa gazeta» respýblıkalyq gazetteriniń, «Stepnoı Maıak», «Kokshetaý segodnıa» qalalyq gazetteri), Aqmola oblysynyń aqparattyq portaly sinegor.kz, «Kókshe TV», «Habar 24» telearnalarynyń ókilderi qatysty.
Qazirgi ýaqytta oblys aýmaǵynda qatty turmystyq qaldyqtardyń 130 orny, onyń ishinde qoldanystaǵy zańnamaǵa sáıkes keletin ruqsat etý qujattary bar 24 polıgon ornalasqan.
«2021 jyly júrgizilgen jumys nátıjesinde ǵaryshtan túsirilgen sýretter arqyly Aqmola oblysynda 624 ruqsat etilmegen qoqys oryndary (Kókshetaý q. - 147, Stepnogorsk q. - 51, Zerendi aýdanynda - 67, Tselınograd aýdanynda - 294, Arshaly aýdanynda - 13, Aqkól aýdanynda - 22, Shortandy aýdanynda - 34, Birjan Sal aýdanynda - 4) anyqtaldy. Onyń ishinde 364-i joıyldy», - dep atap ótedi mınıstrlikten.
