Aqmola oblysynda 6 jasqa deıingi 2,5 myńnan astam balaǵa áleýmettik qoldaý kórsetiledi
KÓKShETAÝ. QazAqparat- Aqmola oblysynda 6 jasqa deıingi 2,5 myńnan astam bala kepildendirilgen áleýmettik paket túrinde memleketten qoldaý alady, dep habarlaıdy QazAqparat tilshisi oblystyq ishki saıasat basqarmasyna silteme jasap.
Gıgıenalyq zattar Bulandy, Sandyqtaý, Atbasar aýdandary men Kókshetaý jáne Stepnogor tárizdi alty qalada náresteli analarǵa berilýde. Jalpy, Aqmola oblysynda 6 jasqa deıingi 2650 myńnan astam bala kepildendirilgen áleýmettik paket túrinde memleketten qoldaý alatyn bolady. Úsh jasqa deıingi 1334 bala azyq-túlik alsa, úshten alty jasqa deıingi 1316 balaǵa jıyntyq berildi.
Qazirgi kezde, azyq-túlik («Darbaev» JK) jáne gıgıenalyq zattardy («Kóktem»JShS) jetkizýshilermen kelisimshart jasaldy.
Osy kelisimshart aıasynda azyq-túlik pen gıgıenalyq zattar naýryz aıynyń ortasyna deıin jetkiziletini josparlanǵan. Azyq-túlik taǵaıyndalǵan otbasylar ony birden ótken kezeń úshin alatyn bolady. Kókshetaý qalasynyń turǵyny, tórt balanyń anasy Gúlmıra Serikpaeva kópbalaly otbasylarǵa qoldaý bildirip otyrǵan memleketke alǵysyn bildirýde.
