Aqmola oblysynda 6 jasar balany kólik qaǵyp ketti
KÓKShETAÝ. QazAqparat - Aqmola oblysynyń Esil qalasynda kólik basyp ketken 6 jasar bala aýrýhanaǵa tústi, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, bıylǵy jyldyń 30 naýryzynda saǵat 16:30-da Esil aýdandyq polıtsııa bólimine jergilikti aýrýhananyń feldsheri habarlasyp, Mıchýrın kóshesinde jol-kólik oqıǵasy týraly aıtqan.
«Anyqtalǵandaı, Esil qalasynyń 20 jastaǵy turǵyny kóligimen artqa shegý kezinde 6 jasar balany basyp ketken. Jol-kólik oqıǵasy saldarynan bala aýrýhanaǵa jetkizildi. Júrgizýshi mas bolmaǵan. Avtokólik aıyppul turaǵyna qoıyldy», -dedi vedomstvodan.
Oqıǵaǵa qatysty sotqa deıingi tergeý júrgizilýde.
