Aqmola oblysynda 6 jasar balany ıt talap óltirdi
KÓKShETAÝ. QazAqparat - Aqmola oblysynda 6 jastaǵy balany úıiniń aýlasynda óz ıti talap óltirdi, dep habarlaıdy QazAqparat tilshisi.
ІІD baspasóz qyzmetiniń deregi boıynsha qaıǵyly oqıǵa 1 naýryz kúndizgi saǵat 15:00 shamasynda Tselınograd aýdanynyń Qajymuqan aýylynda bolǵan.
«Óz úıiniń aýlasynda «kavkaz» tuqymdy ıtimen oınap júrgen 6 jasar balany ıt talap tastady. Búldirshin alǵan dene jaraqatynan kóz jumdy. Ittiń balanyń otbasyna tıesili ekeni anyqtaldy», - dep túsindirdi ІІD baspasóz hatshysy Gúlnár Pınchýk.
Qazirgi kezde osy oqıǵaǵa baılanysty sottyq-medıtsınalyq saraptama taǵaıyndalyp, QR QK 104 babynyń 1 bóligi boıynsha sot aldy tergeý sharalary qolǵa alyndy.
