Aqmola oblysynda 6 mıllıonnan astam memlekettik qyzmet kórsetilgen

KÓKShETAÝ. QazAqparat - Aqmola oblysynda 6 mıllıonnan astam memlekettik qyzmet kórsetildi. Bul týraly QR Memlekettik qyzmet isteri agenttiginiń Aqmola oblysy boıynsha departamentiniń basshysy Bergen Bespalınov aıtty, dep habarlaıdy QazAqparat tilshisi.

Departament basshysynyń aıtýynsha, memlekettik organdardyń elektrondy formatta kórsetetin qyzmetteri úlesiniń artqany baıqalady.

2020 jyly memlekettik qyzmetterdiń 94,8 paıyz elektrondy túrde kórsetilgen.

Aıta ketý kerek, bul kórsetkish 2019 jyly 83 paıyzǵa teń boldy. Sonymen qatar, halyqqa kórsetiletin memlekettik qyzmetterdiń jalpy mólsheriniń óskendigi baıqalady.

Ótken jyly barlyǵy 6 342 918 qyzmet kórsetildi. Osylaı, kórsetilgen qyzmetter úlesi 22 090 artyp otyr.

«Jumystyń mańyzdy bóligi azamattardyń ótinishterin qaraý. Departamentpen memlekettik qyzmet kórsetý boıynsha 50 baqylaý is-sharasy ótkizildi, onyń qorytyndysy boıynsha Ákimshilik quqyq buzýshylyq týraly 13 hattama jasaldy. 10 memlekettik qyzmetshi tártiptik jaýapkershilikke tartyldy» - dedi B.Bespalınov.

Halyqtyń áleýmettik osal toptaryna erekshe nazar aýdarylady.

Departament «Shans» qoǵamdyq qorymen birlese otyryp, múmkindigi shekteýli adamdardy qyzmetterdi elektrondy túrde alý daǵdylaryna oqytýdy uıymdastyrdy.

Turaqty negizde halyqqa qyzmet kórsetý ortalyqtarynda jáne oblystyń memlekettik organdarynda qyzmet kórsetý sapasyna qoǵamdyq monıtorıng júrgiziledi.

B.Bespalınov atap ótkendeı, memlekettik tártipti nyǵaıtý jáne ádep buzýshylyqtarǵa jol bermeý jónindegi jumystarǵa keletin bolsaq, tártiptik isterdi qaraý qorytyndysy boıynsha ótken jyly 18 memlekettik qyzmetshi jaýapkershilikke tartyldy.

37 tekserý júrgizildi.

12 ótinish berýshiniń quqyqtary qalpyna keltirildi, onyń ishinde tártiptik jaza qoldaný týraly buıryqtar, konkýrstyq komıssııanyń, jumys ótilin esepteý jónindegi komıssııanyń sheshimderi joıylǵan.