Aqmola oblysynda 6 bas iri qarany qoldy etken kúdikti qolǵa tústi
KÓKShETAÝ. QazAqparat - Aqmola oblysynda 2,3 mıllıon teńgeniń mal urlyǵy anyqtaldy, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Polıtseılerdiń deregi boıynsha urlyq Qorǵaljyn aýdanynda bolǵan. Qyrkúıektiń 14-i kúni ishki ister bólimine jergilikti JShS-diń biriniń dırektory aryzdanyp, Kúltaı aýylynda dalada jaılyp júrgen 6 bas iri qara malynyń joǵalǵanyn aıtqan. Kásipker mal qunyn 2 300 000 teńgege baǵalap otyr.
«Keshendi jedel-izdestirý sharasy barysynda mal urlyǵyna kúdikti Tselınograd aýdanynyń 36 jastaǵy turǵyny ustaldy», dep kórsetilgen vedomstvonyń habarlamasynda.
Qazirgi kezde, QR QK 188 babynyń 3 bóligi boıynsha (urlyq) is qozǵalyp, sotqa deıingi tergeý amaldary júrgizilýde.
