Aqmola oblysynda 57 jastaǵy er adam órtten kóz jumdy
KÓKShETAÝ. QazAqparat - Aqmola oblysynyń Jarqaıyń aýdanynda 57 jastaǵy er adam órtten kóz jumdy, dep habarlaıdy QazAqparat tilshisi QR ІІM TJK resmı ókili Nursultan Nurahmetovke silteme jasap.
Vedomstvonyń málimetinshe, 23 qańtar kúni saǵat 14:52-de Aqmola oblysynyń TJD «101» nómirine Jarqaıyń aýdanynyń Tasýat aýylyndaǵy jeke úıde órt shyqqany týraly habar túsken.
«Órt 80 sharshy metr aýmaqty qamtydy. Tilsiz jaýdy aýyzdyqtaýǵa Aqmola oblysynyń TJD jeke quramynan 7 adam jáne 2 órt sóndirý tehnıkasy jumyldyryldy. Órt 15:40-ta aýyzdyqtaldy. Oqıǵa ornynan 1961 jyly týǵan er adamnyń denesi tabyldy», - dep túsindirdi QR ІІM TJK resmı ókili Nursultan Nurahmetov.
Qazirgi kezde órttiń shyǵý sebebi anyqtalyp jatyr.
