Aqmola oblysynda 555 mektep keń jolaqty ınternetke qosyldy

KÓKShETAÝ. QazAqparat - Aqmola oblysynda Bilim jáne ǵylymdy damytýdyń 2020-2025 jyldarǵa deıingi jáne «Tsıfrly Qazaqstan» memlekettik baǵdarlamalary sheńberinde bilim salasy júıesin tsıfrlandyrý boıynsha belsendi jumys júrgizilýde, dep habarlaıdy QazAqparat tilshisi.

Oblystyq bilim basqarmasynyń málimetinshe, óńirdegi jalpy bilim beretin 555 mektep 4-ten 8 Mbıt/sekýnd jáne odan joǵary jyldamdyqty keń jolaqty ınternet jelisine qosylǵan.

Búgingi tańda 16 myńnan astam kompıýter tehnıkasy bar. Bıyl 2460 kompıýter satyp alyndy. Memlekettiń qoldaýynyń arqasynda óńirge 23 myń kompıýter satyp alý múmkindigi usynyldy. Bul oqýshylardyń kompıýter tehnıkasyna degen suranysyn eki esege azaıtady. Úsh tilde qyryq myń sabaq pen bir mıllıonnan astam mýltımedııalyq materıal bar «Bilimland» bilim berý platformasyn qoldaný muǵalimniń jumysyn jeńildetedi.

«Búgingi kúni ınternet-resýrstarda oqýshylardyń bilim berý úrdisterine qatysýyna jáne muǵalimmen keri baılanys jasaýyna, onlaı sabaqtarǵa qatysýǵa, sabaqtardy jazyp, saqtaýǵa múmkindik beredi.

Bilim berý platformalaryna oblystyń 15 aýdany men qalalaryndaǵy barlyq mektep qosyldy. Kókshetaý jáne Stepnogor qalalarynda «Online Mektep» modýli Bilimland platformasy qoldanylady. Ereımentaý jáne Shortandy aýdandary oqý úrdisinde «DDaryn.online platformasyn qoldanady», - dedi oblystyq bilim basqarmasynyń basshysy Valerıı Gamazov.

Basqarma basshysy atap ótkendeı, oblystaǵy barlyq 1321 bilim berý uıymy Ulttyq bilim berý bazasynyń málimetteri resýrstaryn qoldaný arqyly jumys isteıdi.

«Tsıfrlandyrý mektepke deıingi bilim berý mekemelerinde de júzege asyrylýda. Búgingi kúni kez kelgen ata – ana balasyn elektrondy júıe arqyly esepke qoıa alady. Osy júıe arqyly 14 myńnan astam bala mektepke deıingi bilim berý mekemesine kezekke qoıyldy», - dep tolyqtyrdy Valerıı Gamazov.