Aqmola oblysynda 55 áskerı mindetti azamat arnaýly jıynǵa shaqyryldy

KÓKShETAÝ. QazAqparat - Aqmola oblysynda erikti túrde áskerı boryshyn óteımin dep sheshken 55 áskerı mindetti arnaýly áskerı jıynǵa shaqyryldy, dep habarlaıdy QazAqparat tilshisi oblystyq ishki saıasat basqarmasyna silteme jasap.

Ásker qatary jastarmen koronavırýs ınfektsııasymen kúresý úshin jergilikti ákimdikterge qosymsha kúshterge qajet óńirlerde ǵana tolyqty.

«Arnaýly jıynǵa shaqyrý naýqany kezinde basymdyq eriktilerge, turaqty nemese múldem jumysy joqtarǵa beriledi. Ásker qataryna jańadan alynǵandar basty mindeti koronavırýs ınfektsııasynyń taralýyn aldyn alýmen baılanysty. Onyń ishinde ásker qataryna alynǵan 32 jas blokpostarda jumys istese, 23-i jergilikti polıtsııa qyzmetimen birge eldi mekenderdi patrýldeýge tartylady. Barlyǵy áskerı qyzmetin turǵylyqty jeri boıynsha ótkizedi. Sondyqtan, olardyń kóbi úılerine baryp, kelip júredi», - deıdi aýmaqtyq qorǵanys jáne mobılızatsııalyq daıyndyq jónindegi basqarmanyń bastyǵy Meırambek Esmaǵambetov.

Arnaýly jıynǵa shaqyrýǵa áskerı mindettiler ǵana emes, olardyń ata-analary da qoldaý bildirýde. Áserı boryshyn óteýge shaqyrylǵan eriktiniń anasy Almagúl Smaǵulova Memleket basshysynyń Jarlyǵy shyqqan kezde qýanǵanyn aıtýda.

«Prezıdenttiń áskerı mindettilerdi arnaýly jıynǵa shaqyrý týraly Jarlyǵy shyqqan soń meniń ulym birden áskerı boryshyn óteýdi sheshti. Osyndaı qıyn sátte Otanǵa qyzmet etý — ár azamattyń paryzy», - deıdi ol.

Aıtalyq, arnaýly jıyndy ótý kezinde áskerı mindetti azyq-túlikpen, áskerı kımimen, jeke qorǵanys buıymymen tolyq qamtamasyz etiledi. Sonymen qatar, mamandandyrylǵan qyzmettiń sarbazdaryna eńbekaqy tólenedi.