Aqmola oblysynda 500 myń teńge aqsha bopsalaǵan aýyl turǵyny ustaldy
KÓKShETAÝ. QazAqparat - Aqmola oblysynda iri kólemde aqsha bopsalaǵan aýyl turǵyny ustaldy, dep habarlaıdy QazAqparat tilshisi.Aqmola oblystyq ІІD baspasóz qyzmetiniń málimeti boıynsha Uıymdasqan qylmyspen kúres basqarmasynyń qyzmetkerleri Atbasar aýdanyndaǵy aýyldardyń biriniń 35 jastaǵy turǵynyn ustaǵan.
«Tergeý amaldary barysynda kúdikti qorqytý arqyly 25 jastaǵy er adamnan 500 myń teńge aqsha bopsalaǵany anyqtaldy.
Polıtseılerdiń jedel qımylynyń arqasynda qylmystyń beti ashylyp, kúdikti birden ustaldy», dep túsindirdi baspasóz qyzmetindegiler.
Qazirgi kezde osy oqıǵaǵa baılanysty QR QK 194-babynyń 1-bólimi boıynsha sotqa deıingi is qozǵaldy. Eger kúdiktiniń qylmysy sotta dáleldense, onda oǵan 4 myń AEK (9 mıllıon teńge) aıyppul salynýy nemese 4 jyl bas bostandyǵyn shekteý jazasy qoldanylýy múmkin.
Aıta keterligi, jyl basynan beri Aqmola oblysynyń polıtseıleri 37 bopsalaý qylmysynyń betin ashty.
