Aqmola oblysynda 500-ge jýyq memqyzmetshi bilimin jetildirdi
Óńirlik kommýnıkatsııalar qyzmetinde ótken brıfıngte QR Prezıdenti janyndaǵy Memlekettik basqarý akademııasy Aqmola oblystyq fılıalynyń dırektory, QR Prezıdenti janyndaǵy Jastar saıasaty jónindegi keńestiń múshesi Bella Gazdıeva men fılıaldyń bilim berý baǵdarlamasyn ázirleý jáne júzege asyrý kabıneti aǵa oqytýshysynyń mindetin atqarýshy Anar Qaljanova memlekettik qyzmetshilerdi oqytý, biliktiligin kóterý jáne shetelde tájirıbe jınaqtaý týraly aıtyp berdi.
«Búgingi kúni óziniń keleshegin memlekettik qyzmetshi retinde kórgisi kelgen adam mindetti túrde óziniń bilimdi, oqyǵan bolýyn túsinýi tıis. Olarǵa mundaı múmkindikti QR Prezıdenti janyndaǵy Memlekettik basqarý akademııasy Aqmola oblystyq fılıaly usynady», - dep atap ótti Bella Gazdıeva.
Onyń sózinshe, bıylǵy tórt aıda 5 kýrs pen 18 semınar uıymdastyrylyp, 467 memlekettik qyzmetshi bilimin jetildirdi. Qatysýshylar negizinen aǵylshyn tilin meńgerýge kóńil bóledi. Qazirgi kezde memlekettik qyzmetshilerdiń shetelde doktorantýra jáne magıstratýra baǵdarlamasy boıynsha bilim alýyna bolady. Memlekettik basqarý akademııasy shet memleketterdiń halyqaralyq akademııalarymen jáne mektepterimen memorandýmǵa qol qoıǵan. «Óńirlik damý» baǵdarlamasynyń aǵylshyn tilin meńgergen qatysýshylary men stýdentterinde Germanııaǵa baryp, aýyldyq aýmaqtardy damytýǵa, Birikken Arab Ámirlikteriniń iri qalalarynda bolyp, «Smart City» tujyrymdamasyn zertteýine zor múmkindik bar.
Sonymen qatar, Bella Gazdıeva akademııa fılıalynda birqatar áleýemettik jobalar baryn atap ótti. Onyń ishinde balalar úıiniń tárbıelenýshilerimen kezdesý, aýyldyq okýrgterge baryp sonda turyp jatqan balalarmen jumys isteý, «Shekarasyz bilim» jobasy sheńberinde trenıng-mektep ótkizý josparlanǵan, «Baqytty otbasy akademııasy» jobasy sheńberinde psıhologtar jas otbasylarmen jumys júrgizip, arnaıy trenıng ótkizbekshi. Al aldaǵy maýsym aıynyń 10-14 kúnderi aralyǵynda «Jemqorlyqqa qarsy mektep» jobasy sheńberinde Shoqan Ýálıhanov atyndaǵy Kókshetaý memlekettik ýnıversıteti men Abaı Myrzahmetov atyndaǵy Kókshetaý ýnıversıtetiniń stýdentteriniń bastamasymen adal bolý, jemqorlyqqa qarsy nóldik tózimdilik, Otan aldyndaǵy jaýapkershilikti nyǵaıtý qaǵıdasy boıynsha shara ótkizý josparlanǵan.
«Shildeniń 10-na deıin akademııaǵa túskisi keletinderden qujattar qabyldanady. Al oqýǵa qabyldaý 2019 jyldyń 10 tamyzynda júzege asyrylady», - deıdi QR Prezıdenti janyndaǵy Memlekettik basqarý akademııasy Aqmola oblystyq fılıalynyń bilim berý baǵdarlamasyn ázirleý jáne júzege asyrý kabıneti aǵa oqytýshysynyń mindetin atqarýshy Anar Qaljanova.
