Aqmola oblysynda 50 adamǵa mereıtoılyq medaldar tabys etildi (FOTO)

KÓKShETAÝ. QazAqparat - Búgin QR Konstıtýtsııasy kúni qarsańynda Aqmola oblysynyń ákimi Sergeı Kýlagın Elbasy Jarlyǵymen marapattalǵan oblystyń aýdandar men qala ákimderine, oblystyq basqarma basshylaryna «Qazaqstan Konstıtýtsııasyna 20 jyl» mereıtoılyq medalin saltanatty túrde tabys etti, dep habarlady oblys ákiminiń baspasóz qyzmetinen.

Osy kúni barlyǵy 50 adam merekelik medaldarǵa ıe boldy.

Óńir basshysy oblysta atqarylyp jatqan jumystar týraly aıta kele, jınalǵandardy kele jatqan merekelerimen quttyqtady. «Sizderdi taǵy da merekelik marapatqa ıe bolýlaryńyzben quttyqtaımyn jáne barlyǵymyzǵa memleket tarapynan artylǵan senimdi aqtaý úshin jáne el Prezıdentiniń aldymyzǵa qoıǵan mindetterin oryndaý úshin qajyrly eńbek etýge shaqyramyn!», - dep atap ótti S.Kýlagın.