Aqmola oblysynda 5 jasar qyz bala 4 qabattan qulap ketti
KÓKShETAÝ. QazAqparat - Aqmola oblysynyń Tselınograd aýdanynda 5 jasar qyz bala 4 qabattan qulap ketti, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń deregi boıynsha, 24-shi qyrkúıek kúni saǵat 11:30-da Tselınograd aýdandyq PB kezekshilik bólimine 5 jasar qyz balanyń 4 qabattan qulaǵan týraly telefon arqyly aqparat túsken. Keıin anyqtalǵandaı, qyz bala úıde jalǵyz bolǵan jáne qulaǵan kezde keýde tusyn jaraqattap alǵan.
«Ata-anasy balanyń jaraqat alýyna onyń psıhologııalyq ereksheligi áser etetinin bilýi tıis. Sondyqtan, balany jalǵyz qaldyrmaı, oǵan kóńil bólip, qorshaǵan ortasyn barynsha qaýipsiz etý kerek»,- deıdi kámeletke tolmaǵandar isi jónindegi ınspektor.
Vedomstvonyń baspasóz qyzmeti atap ótkendeı, osyndaı oqıǵalardyń aldyn alý maqsatynda Aqmola oblysynyń PD qyzmetkerleri jyl saıyn 10 myńǵa jýyq ıllıýstratıvti jadynama ázirleıdi. Kámeletke tolmaǵandardyń isi boıynsha polıtsııa qyzmetkerleri qoǵamdyq, demalys oryndary, qalanyń ortalyq kóshelerine shyǵyp, balalarymen júrgen ata-analarǵa úlestiredi.
