Aqmola oblysynda 5 aýyldyq okrýgtiń ákimi saılandy
«Saılaý okrýgteri boıynsha saılaýshylar tizimine 3 721 azamat engizildi. Onyń 2 754-i nemese 74,01%-y daýys berýge qatysty. Jalpy kandıdattar sany – 15 adam. Barlyq 5 saılaý okrýginde ákimder saılandy. Onyń ishinde, «AMANAT» partııasy usynǵan 1 adam, ózin-ózi usyný arqyly tirkelgen 4 adam», - dep jazylǵan óńir ákimdiginiń saıtynda jarııalanǵan habarlamada.
Aqmola oblystyq saılaý komıssııasynyń málimetine saı, myna kandıdattar kelesi aýyldyq okrýgterdiń ákimi bolyp saılandy:
1. Dahaı Járdembek Belovod aýyldyq okrýgi ákimi bolyp saılandy. 1985 jyly týǵan, bul ýaqytqa deıin Aqmola oblysy Jaqsy aýdany Kıev aýylynyń ákimi qyzmetin atqarǵan.
2. Esentaev Beıbit Myrzalyuly Otradnyı aýyldyq okrýginiń ákimi bolyp saılandy. 1987 jyly týǵan, osy ýaqytqa deıin Jarqaıyń aýdanynyń «Otradnyı aýyldyq okrýgi ákiminiń apparaty» MM bas mamany boly eńbek etken.
3. Kárimjanov Arman Narbaıuly Mádenıet aýylynyń ákimi bolyp saılandy. 1978 jyly týǵan, bul kezge deıin «Kolos zolotaıa Nıva» JShS ınjeneri bolyp qyzmet atqarǵan.
4. Sahnova Lıýdmıla Pavlovna Kamensk aýyldyq okrýginiń ákimi bolyp saılandy. 1982 jyly týǵan, «Kamensk aýyldyq okrýgi ákiminiń apparaty» KMM bas mamany bolyp eńbek etken.
5. Begen Serikjan Sergeıuly Nuresil aýyldyq okrýginiń ákimi bolyp saılandy. 1980 jyly týǵan, «SMEÝ-Astana» JShS baǵdarsham sharýashylyǵy qurylysy jáne qyzmet kórsetý bóliminiń apattyq qyzmet kórsetý jáne qurylys bólimshesiniń ınjeneri bolyp qyzmet atqarǵan.
