Aqmola oblysynda 5,5 mln gektar egistik jerler tsıfrlandyryldy

KÓKShETAÝ. Qazaqparat - Aqmola oblysynda jer paıdalanýshylar 5,5 mıllıon gekter egistik alqaby tsıfrlandyryldy, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.

Oblysta naqtyly eginshilik ádisin engizý máseleleri boıynsha iri sharýashylyqtarda júrgizilgen zertteý nátıjesinde kóptegen aýyl sharýashylyǵy qurylymdarynyń basshylary salaǵa tsıfrlandyrýdy engizý qajettigine kóz jetkizdi.

«Bıylǵy jylǵy qanatqaqty naqtyly eginshilik elementterin engizý jumystaryn Astanadaǵy Sáken Seıfýllın atyndaǵy  Qazaq agrotehnıkalyq ýnıversıtetiniń ǵalymdary «Jýravlevka - 1» JShS, «Aqmola fenıks» AQ, «Dıhan plıýs» JShS júzege asyrýda. Qazirgi kezde  Aqmola oblysyndaǵy 2 707 jer paıdalanýshy tarapynan 5,5 mıllıon gekter egistik jerlerdi tsıfrlandyrylǵan», dep kórsetilgen habarlamada.

Naqtyly eginshilik elementterin óńirdegi aýyl sharýashylyǵy qurylymdary óz tájirıbelerinde ıgerýde. Oǵan qosa, óńirde ǵaryshtyq baqylaý boıynsha jumystar qolǵa alynýda. Osy arqyly  egistik jerlerdiń jaǵdaıy, tyńaıǵan alqaptar, aýdandar boıynsha astyq túsimin anyqtap, baqylaý jasap otyrýǵa bolady.