Aqmola oblysynda 49 adamnan qyzylshanyń belgileri anyqtaldy
KÓKShETAÝ. QazAqparat - Aqmola oblysynda kún sýytqannan beri qyzylshaǵa baılanysty 49 oqıǵa tirkeldi, dep habarlaıdy QazAqparat tilshisi oblystyq qoǵamdyq densaýlyq saqtaý departamentine silteme jasap.
Vedomstvonyń deregi boıynsha 2018 jyldyń sońynda Aqmola oblysy aýmaǵynda halyqtyń qyzylshamen aýrýy oqıǵasy tirkeldi.
"Dert kúz-qys kezeńderinde beleń aldy. Jalpy, oblys boıynsha 49 adamnan qyzylsha aýrýynyń belgileri baıqaldy. Onyń 27-si Sandyqtaý aýdanynyń turǵyny. Aýrýdy juqtyrǵandardyń deni qyzylshaǵa qarsy ekpe almaǵandar. Naqtyraq aıtsaq, 22 naýqas - ekpe almaǵan 1 jasqa deıingi səbı, 5 naýqas medıtsınalyq kórsetkishteri boıynsha ekpe almaǵan, 8-i - ata-analary ekpege alýǵa ruqsat bermegen balalar. Sondaı-aq, 2 jasóspirim jáne 12 eresek adam ekpe almaǵan, al ne sebepti ekpe almaǵany áli naqtylanbaǵan", dep túsindirdi Aqmola oblysy boıynsha qoǵamdyq densaýlyq saqtaý departamentiniń basshysy Azamat Dúısenov.
Qazirgi kezde 22 bala em qabyldap jatyr. Olardyń jaǵdaıy qanaǵattanarlyq. 27 naýqas emdelip shyqty. Al 35 naýqastyń qyzylshaǵa dıagnozy zerthanada rastaldy. Qalǵandarynyń analızderi zerthanada tekserilip jatyr.
"Naýqastarmen baılanysta bolǵan adamdar anyqtalyp, dərigerlerdiń baqylaýyna alyndy. Naýqastarmen baılanysta bolǵan 24 adamǵa derttiń aldyn alý úshin ekpe egildi. Jaǵdaı dərigerlerdiń baqylaýynda", dep tolyqtyrdy departament basshysy.
Degenmen, Aqmola oblysy boıynsha qoǵamdyq densaýlyq saqtaý departamentiniń mamandary oblys turǵyndaryna qyzylsha vırýsty juqpa ekenin eskertedi. Sondaı-aq, ata-analarǵa balasynyń qyzylshaǵa qarsy egilgenin tekserýdi, ekpe bolmaǵan jaǵdaıda - qyzylshaǵa qarsy profılaktıkalyq ekpe alýdy, kataraldy qubylystarmen (dene qyzýynyń 38-40 S joǵarylaýy, bas aýrýy, álsizdik) aýrýdyń alǵashqy belgileri paıda bolǵan kezde dárigerge qaralý, qyzylsha aýrýyna tekserýden ótý jáne onyń barlyq nusqaýlardy oryndaýdy usynady. Óıtpegen jaǵdaıda aýrýdyń sońy qaıǵyly aıaqtalýy múmkin. Əsirese, qyzylsha dertiniń balany ólimge nemese múgedekke alyp kelý qaýpi bar.
