Aqmola oblysynda 4500 oryndyq alty mekteptiń qurylysy júrip jatyr
Oblystyq bilim basqarmasy basshysynyń orynbasary Valerıı Gamazovtyń aıtýynsha, óńirde «Sapaly bilim» ulttyq jobasy aıasynda júıeli jumystar júrgizilýde.
2021 jyly Aqmola oblysyna 10 kórsetkishke qol jetkizý mindeti qoıyldy, jyl qorytyndysy boıynsha ol 100 paıyz oryndaldy.
Aqmola oblysynyń bilim berý júıesinde 1 332 bilim berý uıymy jumys isteıdi, onda 35 946 adam, onyń ishinde 23 008 pedagog jumys isteıdi.
Mektepke deıingi tárbıe men oqytý salasynda bir jastan alty jasqa deıingi balalardy-80,5 paıyz, eki jastan alty jasqa deıingi balalardy – 85,1 paıyz, úsh jastan alty jasqa deıingi balalardy – 100 paıyz qamtıtyn 599 mektepke deıingi uıym (255 balabaqsha, 344 shaǵyn ortalyq) jumys isteıdi.
«2021 jyly 784 orynǵa 14 mektepke deıingi uıym ashyldy, jumys istep turǵan 15 mektepke deıingi uıym 338 orynǵa keńeıtildi. Barlyǵy 1 122 oryn quryldy. Aǵymdaǵy jyly 1706 oryndyq jeti balabaqshanyń qurylysy jalǵasýda. Bul Tselınograd aýdanynyń Qoıandy jáne Qaraótkel aýyldarynda 280 oryndyq, Shortandy aýdanynyń Tóńkeris aýylynda 140 oryndyq, Qosshy qalasynda 280 oryndyq, Nurly kósh kentinde 280 oryndyq, Kóktem shaǵyn aýdanynda 166 oryndyq jáne Kókshetaýda sóıleý qabileti buzylǵan balalarǵa arnalǵan 280 oryndyq balabaqsha»,-dep atap ótti bilim basqarmasy basshysynyń orynbasary.
Óńirde 110 balabaqsha jumys isteıdi.
Qadamdyq josparǵa sáıkes, 2021 jyldyń basynan bastap eki jastan alty jasqa deıingi balalardy qamtýdy ulǵaıtý úshin 39 balabaqsha bóbekjaıǵa aýystyryldy.
Oblystyń 552 mektebinde 133 myńnan astam oqýshy bilim alyp júr. Jalpy bilim beretin mektepterde 16 247 pedagog jumys isteıdi.
Joǵary bilimi bar pedagog sany – 13 687 (84,2 paıyzy), 10 381 pedagog attestattaýdan jańa júıe boıynsha ótti (pedagog-sheber – 53, pedagog-zertteýshi – 2 656, pedagog-sarapshy – 4 344 jáne pedagog-moderator 3 328), bul 63,9 paıyzdy quraıdy.
«Búginde oblys mektepterinde 45 750 kompıýterlik tehnıka bar. 2020 jyly oblys mektepterine 29 661 kompıýter satyp alyndy. Osynyń barlyǵy «toǵyz oqýshyǵa bir kompıýter» qatynasyn «úsh oqýshyǵa bir kompıýter» deńgeıine deıin jaqsartýǵa múmkindik berdi. Barlyq mektepter ınternetke qol jetkize alady. 205 mektep robototehnıka kabınetterimen jabdyqtalǵan», - dep tolyqtyrdy V.Gamazov.
Úsh aýysymdy oqytýdy joıý sheńberinde 2021 jyly Tselınograd aýdany Razdolnoe aýylynda 80 oryndyq mektep, Kókshetaý qalasy №1 orta mektep gımnazııasynda 600 oryndyq jáne №4 orta mektepte 360 oryndyq qosymsha oqý korpýstary paıdalanýǵa berildi.
«2021 jyldyń qorytyndysy boıynsha úsh aýysymda oqytatyn jeti mektep bar. Olar Kókshetaý qalasynyń №17 mektebi, Arshaly aýdanynyń Jaltyrkól aýylyndaǵy Martynov negizgi mektebi, Jibek joly aýylyndaǵy Novoaleksandrov orta mektebi, Qosshy qalasynyń №1 jáne №2 orta mektepteri, Tselınograd aýdanynyń Qarajar men Shubar aýyldaryndaǵy mektepter. Úsh aýysymdyq oqytý máselesin sheshý úshin jalpy 4 500 oryndyq alty mektep – Qosshy qalasynda 1 200 oryndyq, Tselınograd aýdanynyń Shubar aýylynda 300 oryndyq, Arshaly aýdanynyń Jibek Joly jáne Jaltyrkól aýyldarynda 300 oryndyq, Kókshetaý qalasynda 1 200 oryndyq eki mektep salynýda. Mektepterdi iske qosý 2022-2023 jyldarǵa josparlanǵan», - dep túıindedi V.Gamazov.
Sonymen qatar, Tselınograd aýdanynyń Qarajar aýylynda 600 oryndyq mektep salý úshin jobalyq smetalyq qujattary men memlekettik saraptama ázirlenýde.
Oblys mektepterinde úsh aýysymdy oqytý máselesin 2024 jylǵa deıin sheshý josparlanǵan.
