Aqmola oblysynda 4471 adam Pfizer vaktsınasynyń birinshi komponentin aldy
Basqarma basshysynyń aıtýynsha, Aqmola oblysyna 2021 jyldyń aqpan aıynan bastap vaktsınalardyń bes ataýynyń barlyǵy 1022585 dozasy, sondaı-aq Pfizer vaktsınasynyń 111150 dozasy tústi. Jalpy, ótken jyldyń aqpan aıynan bastap birinshi komponentke 333784 adam nemese 69,7 paıyz, ekinshi komponentke 306135 adam nemese 63,9 paıyz egildi.
«Pfizer shyǵarǵan Komırnatı vaktsınasynyń alǵashqy dozasymen 4471 adam vaktsınatsııalandy, onyń ishinde 137 júkti áıel, 1146 bala emizetin áıel jáne 12 jastan 17 jasqa deıingi 3188 jasóspirim. Vaktsınaǵa jaǵymsyz reaktsııalar tirkelgen joq», - dep atap ótti Narıman Syzdyqov.
Óńirde 133 egý pýnkti men 135 mobıldi brıgada jumys isteıdi. Budan basqa, Aqkól, Arshaly, Astrahan, Atbasar, Býrabaı, Ereımentaý, Esil, Jarqaıyń, Zerendi, Qorǵaljyn jáne Tselınograd aýdandaryndaǵy 11 jyljymaly medıtsınalyq keshen vaktsınatsııalaýǵa jumyldyrylǵan.
Basqarma basshysy atap ótkendeı, medıtsınalyq uıymdarda vaktsınalardy saqtaýǵa arnalǵan 60 muzdatqysh kamera (muzdatý aýqymy -18/-25 gradýs), 340 termokonteıner, 10 tońazytqysh sómke, 1690 hladoelement bar.
«QR Úkimetiniń qarajatynan ortalyqtan basqarý qoımasyna -90/-60 ýltra tómen temperatýralyq rejımdi qoldaıtyn eki muzdatqysh kamera jetkizildi. Vaktsınalardy tasymaldaýǵa eki avtorefrıjerator tartylǵan», - ded tolyqtyrdy Narıman Syzdyqov.
Aıta ketsek, búgingi kúni aýdandardyń medıtsınalyq uıymdaryna vaktsınalardy saqtaý, tasymaldaý boıynsha nusqaýlyqtar, sondaı-aq azamattardy vaktsınatsııalaý tártibi jetkizildi. Pfizer vaktsınasyn saqtaý jáne tasymaldaý boıynsha únemi semınarlar men konferentsııalar ótkizilip turady.
