Aqmola oblysynda 400-den astam memqyzmetshi qaıyrymdylyq jarysyna qatysty

KÓKShETAÝ. QazAqparat - Aqmola oblysynda 400-den astam memlekettik qyzmetshi «Alǵa basý - Dvıjenıe vpered», atty qaırymdylyq júgirý jarysyna qatysty, dep habarlaıdy QazAqparat tilshisi Aqmola oblysy boıynsha Memlekettik qyzmet isteri jáne sybaılas jemqorlyqqa qarsy is-qımyl departamentiniń basshysy Bergen Bespalınovqa silteme jasap.

Memlekettik qyzmet kúni men Astana qalasynyń jəne memlekettik qyzmet organdarynyń 20-jyldyǵyna oraılastyrylǵan sharany atalmysh departament pen oblystyq dene shynyqtyrý jáne sport basqarmasy birlesip uıymdastyrdy.

Jarys barysynda erler 2,5, áıelder 1,5 shaqyrym qashyqtyqqa júgirdi. Jarystan túsken 300 myń teńge aqsha elimizdegi emdelmeıtin dertke shaldyqqan balalarǵa kómek retinde "Balaǵa ómir syıla" jobasyn júzege asyrýǵa baǵyttalatyn bolady.


Sonymen qatar, shara sheńberinde memlekettik qyzmetshiler otbasylary arasynda sporttyq saıys ótti. Saıystyń qorytyndysy boıynsha Aqmola oblysynyń qarjy basqarmasy atynan qatysqan  Q.Babaqovtyń januıasy birinshi oryn alsa, ekinshi jáne úshinshi oryndardy Kókshetaý qalalyq memlekettik kirister basqarmasynan A. Tənıev pen «Soltústik QazJer qoınaýy» óńiraralyq departamentinen T.Qospanovtardyń otbasylary ózara bólisti.



"Jeńimpazdarǵa arnaıy dıplom, medal jəne sertıfıkattar tapsyryldy. Memlekettik qyzmetshiler qaıyrymdylyq ister jasaý men salaýatty ómir saltyn qalyptastyrýda elimizdiń keleshek jastary úshin úlgi-ónege bolýda", deıdi Bespalınov.