Aqmola oblysynda 4 myńnan astam oqýshy mekteppen qoshtasty
KÓKShETAÝ. QazAqparat - Búgin Aqmola oblysyndaǵy 4331 mektep oqýshysy úshin sońǵy qońyraý soǵyldy, dep habarlady «QazAqparat» HAA tilshisi.
Sońǵy qońyraý merekesi óńirdegi barlyq bilim oshaqtarynda óz sán-saltanatymen ótip, onyń sońy balǵyndar men ata-analar, ustazdar qaýymy merekesine ulasty. Kókshetaý qalasyndaǵy Táýelsiz alańynda ótken sońǵy qońyraý merekesine qala ákimi Ermek Marjyqpaev qatysyp, túlekterdiń aldaǵy qadamdaryna sát-sapar tiledi.
Oblystyq bilim basqarmasynyń málimeti boıynsha, bıyl oblystaǵy jalpy bilim berý uıymdaryn 4331 túlek bitirip, onyń 3166 UBT tapsyrýǵa ótinish bildirgen. 214 túlek «Altyn belgiden» úmitti bolsa, 97-si úzdik attestat alýǵa nıetti. Bıyl UBT Aqmola oblysy boıynsha 11 testileý pýnktinde ótedi, onyń 8-i oblys aýmaǵynda ornalassa, 3-i Astanada bolady.
