Aqmola oblysynda 4 mına tabyldy
KÓKShETAÝ. QazAqparat - «Qarý» jedel aldyn alý is-sharasyn ótkizý kezinde aqmolalyq polıtseıler óńir aýmaǵynan tabylǵan mınalardy zalalsyzdandyrdy, dep habarlaıdy QazAqparat tilshisi.
Aqmola oblystyq PD baspasóz qyzmetiniń málimetinshe, 1 maýsymda Jarqaıyń aýdandyq PB kezekshilik bólimine jergilikti polıtsııa qyzmeti bóliminiń ýchaskelik ınspektorynan telefon habarlamasy kelip tústi.
«Qazba jumystary júrgizilip jatqan burynǵy áskerı núkteniń aýmaǵynda ýchaskelik ınspektor áskerı mınaǵa uqsas tsılındr pishindi metall zattardy tapty. Oqıǵa ornyna jedel-tergeý toby, Aqmola oblysy PD oqý-jattyǵý vzvodynyń qyzmetkerleri shaqyryldy. Snarıadtardy anyqtaý aýmaǵy dereý qorshaldy. Tekserý barysynda mamandar ballıstıkalyq zymyrandarǵa arnalǵan eski shahtalardan KSRO-nyń tankke qarsy tórt mınasyn anyqtady. Jalpy, mınalar óte tozǵan, tattanǵan jáne mehanıkalyq isten shyqqan», - dedi vedomstvodan.
Alaıda, muqııat tekserý kezinde eki mınadan jarylǵysh zat tabylyp, olardy tasymaldaý qaýp týǵyzdy. Sol sebepti, bul mınalar sol jerde zalalsyzdandyryldy. Taǵy eki snarıad ári qaraı saraptamalyq zertteýge jiberildi.
