Aqmola oblysynda 4 mıllıonǵa jýyq memlekettik qyzmet kórsetildi

KÓKShETAÝ. QazAqparat - 2021 jyldyń birinshi jartyjyldyǵynda Aqmola oblysynda 3 mıllıon 988 169 myń memlekettik qyzmet kórsetildi. Bul týraly Aqmola oblysy boıynsha Memlekettik qyzmet isteri departamenti Memlekettik qyzmetter basqarmasynyń basshysy Ádilbek Muhamedjanov málim etti, dep habarlaıdy QazAqparat tilshisi.

Basqarma basshysynyń aıtýynsha, búgingi tańdaǵy basym mindetter azamattardyń ótinishterin sapaly qaraý, memlekettik qyzmet kórsetý sapasyn arttyrý, elektrondyq formattaǵy qyzmetter úlesin arttyrý bolyp otyr.

«Jalpy, elektrondyq formatta kórsetilgen qyzmetter úlesiniń artýynyń oń dınamıkasy baıqalady: eger aǵymdaǵy jyldyń І jartyjyldyǵynda elektrondyq qyzmetterdiń úlesi 94,3 paıyz bolsa, ótken jyldyń sáıkes kezeńinde bul kórsetkish 93 paıyzdy qurady» - dep atap ótti Ádilbek Muhamedjanov.