Aqmola oblysynda 4 balyqshy qutqaryldy
KÓKShETAÝ. QazAqparat - Aqmola oblysynda boranda qar qursaýynda qalyp qoıǵan tórt balyqshy qutqaryldy, dep habarlaıdy QazAqparat tilshisi.
Oblystyq Tótenshe jaǵdaılar departamenti baspasóz qyzmetiniń málimetinshe, 4 dos Qarabulaq sý bógenine balyq aýlaýǵa barǵan. Keshke qaraı úıge jınalǵan olardyń kóligi boranda qar qursaýynda qalǵan. Balyqshylar sharasyzdyqtan «112» arnaıy jelisine qońyraý shalyp, kómek suraǵan.
«Shaqyrtý ornyna Stepnogor qalasynyń 3-shi órt sóndirý bóliminiń kezekshi aýysymy dereý jetip, qar qursaýyndaǵy avtokólikten 4 er adamdy evakýatsııalady», - dedi vedomstvodan.
Osy rette, Aqmola oblysynyń Tótenshe jaǵdaılar departamentiniń qyzmetkerleri óńir turǵyndary men qonaqtaryna qys mezgilinde aýa temperatýrasy tómendep, jel kóterilgende jáne qar jaýǵan kezde eldi mekenderden alysqa uzap shyqpaýǵa shaqyrady.
