Aqmola oblysynda 38 blokpostyń altaýy ǵana qaldy

KÓKShETAÝ. QazAqparat - Aqmola oblysynda 38 blokpostyń altaýy qaldy, dep habarlaıdy QazAqparat tilshisi Aqmola oblysy boıynsha taýarlar men kórsetiletin qyzmetterdiń sapasy men qaýipsizdigin baqylaý departamentine silteme jasap.

Departament basshysy Aınagúl Mýsınanyń aıtýynsha, qalǵan blokpostar kórshi oblystarǵa qatynaıtyn joldardyń boıynda ornalasqan. Sonymen qatar, Tselınograd aýdanynda aınala ornalasqan blokpostar ázirge jumysyn jalǵastyrýda.

«Oblys boıynsha barlyǵy 38 blokpostyń altaýy qaldy», - deıdi vedomstvo basshysy.

Sonymen qatar, departamentten atap ótkendeı, apta ishinde koronavırýs oqıǵasy oblysta 2 ese ulǵaıyp, 25 test nátıjesi oń bolyp otyr.

Aıta keteıik, sońǵy málimetter boıynsha indet taraǵannan beri Aqmola oblysynda COVID-19 jalpy 126 (+1) adamda rastaldy, 96 adam jazylyp shyqty jáne 4 adam qaıtys bolǵan.