Aqmola oblysynda 332 ınfraqurylymdyq joba júzege asyrylmaq

Bul týraly aımaq basshysy Ermek Marjyqpaevtyń tóraǵalyǵymen selektorlyq rejımde ótken májiliste aıtyldy.

«Memleket basshysy Qasym-Jomart Toqaev tótenshe jaǵdaıǵa baılanysty naýryzdyń 23-de ótken memlekettik komıssııanyń otyrysynda Jumyspen qamtýdyń jol kartasyn júzege asyrý úshin 1 trıllıon teńge qarjy bólýdi tapsyrǵan bolǵan. Onyń ishinde Aqmola oblysyna 45 mıllıard teńge bólinip otyr. Bul birinshi kezekte eldi mekenderdiń ınfraqurylymyn damytý arqyly halyqtyń ómir súrý sapasyn arttyrý máselesin sheshýge baǵyttalyp qana qoıyp otyrǵan joq. Eń birinshi pandemııa kezinde jumyssyz qalǵan oblystyń kóptegen turǵyndaryn jumyspen qamtý máselesin sheshý», - dep atap ótti Ermek Marjyqpaev.

Aqmola oblysynyń jumyspen qamtýdy jáne áleýmettik baǵdarlamalardy úılestirý basqarmasynyń basshysy Dına Ahmetjanovanyń aıtýynsha, Jol kartasy sheńberinde júzege asyrylatyn jobalardyń arasynda áleýmettik-mádenı, turǵyn úı-kommýnaldyq sharýashylyǵy, ınjenerli-kóliktik ınforqurylym nysandarynyń qurylysy, jóndeý, sondaı–aq, eldi mekenderdi abattandyrý jobalary bar.

Bul jobalardyń 194-i áleýmettik salanyń úlesinde, Sonymen qatar, jumys istep turǵan nysandardy jóndeýden bólek, jańa 13 nysan salý josparlanǵan. Onyń ishinde 8 nysan bilim berý salasy, 2-ýi densaýlyq saqtaý jáne 1-ýi mádenıet salasynda.

Jumyspen qamtýdyń jol kartasyn júzege asyrý barysynda aýdandar men qalalarda barlyǵy 11 252 jumys ornyn ashý josparlanǵan. Onyń 5 626 halyqty jumyspen qamtý ortalyqtary arqyly.

Jıyn sońynda aımaq basshysy aýdan jáne qala ákimderine alǵa qoıylǵan mindetterdi jedel sheship, bólinge qarjyny tıimdi paıdalanýdy tapsyrdy.

«Jobalardy júzege asyrý úshin respýblıkalyq bıýdjetten bólinetin qarjy birqatar máseleni sheshýge yqpal etedi», - dep qorytyndylady Ermek Marjyqpaev.