Aqmola oblysynda 32 otbasy baspanaly boldy
KÓKShETAÝ. QazAqparat - Aqmola oblysynyń Esil aýdanynda baspana kezeginde turǵandarǵa jańa páterdiń kilti tapsyryldy, dep habarlaıdy QazAqparat tilshisi.
Aýdan ákimdiginiń málimetinshe, baspanaly bolǵandardyń negizinen kópbalaly otbasylar, jetim balalar, medıtsına qyzmetkerleri, bilim berý salasynyń qyzmetkerleri jáne turǵyn úıleri apatty dep tanylǵan turǵyndar, olardyń kópshiligi uzaq jyl páter kezeginde turǵandar.
«Bizde bes bala bar, biz kópbalaly otbasy retinde kezekte turdyq. Páter maǵan unady, úlken dáliz, keń bólmeler men as úı bar, munyń barlyǵy úlken otbasylar úshin mańyzdy», – dedi kópbalaly ana Qarlyǵash Ábdirahmanova.
Aǵymdaǵy jyly «Jalǵa beriletin turǵyn úı» baǵdarlamasy boıynsha kezekte turǵan 45 otbasy páter aldy. Bıyl taǵy bir 45 páterli turǵyn úıdiń qurylysy josparlanýda.
Aıta ketý kerek, 2025 jylǵa deıin Esil qalasynda taǵy birneshe kópqabatty úılerdiń qurylysy josparlanǵan, bul óz kezeginde Kezekte turǵandardyń sanyn aıtarlyqtaı qysqartýǵa múmkindik beredi.
