Aqmola oblysynda 306 adaldyq dúkeni ashyldy
Atalmysh shara oblystyń sybaılas jemqorlyqqa qarsy kúres qyzmetimen birlesip uıymdastyryldy, dep habarlaıdy QazAqparat tilshisi QR Sybaılas jemqorlyqqa qarsy is-qımyl agenttiginiń Aqmola oblysy boıynsha departamentiniń baspasóz qyzmetine silteme jasap.
Otyrysta sybaılas jemqorlyqtyń aldyn alý jáne sybaılas jemqorlyqqa qarsy mádenıetti qalyptastyrý boıynsha memlekettik organdar júrgizip jatqan jumystar, sondaı-aq Qazaqstan Respýblıkasynyń 2015-2025 jyldarǵa arnalǵan sybaılas jemqorlyqqa qarsy strategııasy boıynsha 2018-2020 jyldardy qamtıtyn sharalar josparyn iske asyrý barysy qaraldy.
QR Sybaılas jemqorlyqqa qarsy is-qımyl agenttiginiń Aqmola oblysy boıynsha departamentiniń basshysy Murat Tóleýbaev keńeste sóz sóılep, sybaılas jemqorlyqpen kúres departamentiniń 2015-2025 jyldarǵa arnalǵan sybaılas jemqorlyqqa qarsy strategııany oryndaý boıynsha júzege asyryp jatqan is-sharalary týraly aıtty.
Aıta ketý kerek, búgingi tańda Aqmola oblysy boıynsha sybaılas jemqorlyqqa qarsy kúres qyzmetiniń basym baǵyty sybaılas jemqorlyqtyń aldyn-alý jáne qoǵamnyń sybaılas jemqorlyqqa qarsy dúnıetanymyn qalyptastyrý bolyp tabylady. Osy oraıda, Departament memlekettik organdarda jemqorlyq táýekelderin anyqtaý, bıznes pen ınvestorlardy sybaılas jemqorlyqqa qarsy kúreste qoldaý, Arnaıy monıtorıngtik top, aqparattyq-aǵartýshylyq shtab jumysy, «Aqmola – adaldyq alańy» jobasy aıasynda azamattyq qoǵammen ózara is-qımyl sııaqty birqatar is-sharalardy ótkizýde.
«Óńirde 306 adaldyq dúkeni ashyldy jáne jumys isteıdi. Memlekettik organdar men uıymdarda barlyǵy 56 space, front office kabıneti ashyldy. 723 memlekettik organ men uıymnyń birinshi basshylary ǵımarattyń birinshi qabattaryna kóshirildi. Alaıda, ótkizilgen is - sharalarǵa qaramastan, sybaılas jemqorlyq quqyqbuzýshylyqtar sanynyń statıstıkasy jaǵdaıǵa áser etedi, sondyqtan memlekettik organdar buqaralyq aqparat quraldarynda jarııalap, azamattyq qoǵamdy keńinen tartý arqyly sybaılas jemqorlyqtyń aldyn alý boıynsha jumysty kúsheıtýi qajet», - dep atap ótti departament basshysy Murat Tóleýbaev.
Aqmola oblysy ákiminiń orynbasary, «Aqmola – adaldyq alańy» jobalyq keńsesiniń kýratory Qanat Ydyrysov óz sózinde sybaılas jemqorlyq kórinisterine jol bermeý jáne sybaılas jemqorlyqqa qarsy is-qımyl týraly zańnamalyq aktilerdi oryndaý maqsatynda 2020 jyly oblystyq jáne aýdandyq ákimdikter arasynda jasalǵan memorandýmǵa baǵynyshty tulǵalardyń sybaılas jemqorlyq qylmys jasaýyna jol bermeý boıynsha kórsetkishti engizý qajet ekenin atap ótti.