Aqmola oblysynda 3 kúnniń ishinde ishimdik ishken 23 júrgizýshi ustaldy
KÓKShETAÝ. QazAqparat - Aqmola oblysynda 3 kúnniń ishinde ishimdikke masaıǵan 23 júrgizýshi ustaldy, dep habarlaıdy «QazAqparat» HAA tilshisi oblystyq ІІD baspasóz qyzmetine silteme jasap.
Polıtseılerdiń deregi boıynsha, oblysta ishimdik iship alyp kólikke otyrý oqıǵasy tolastar emes. Sondyqtan, profılaktıkalyq sharalar mas júrgizýshilerdiń saldarynan bolatyn jol-kólik oqıǵasyn aldyn alýǵa baǵyttalǵan.
«2016 jyldyń qorytyndysy boıynsha jol patrýldik polıtsııasynyń qyzmetkerlerimen alkogoldik, esirtki jáne toksıkomanııalyq masań kúıde rólge otyrǵan 3 682 júrgizýshi ustaldy. Onyń 386-y dál osyndaı zań buzýshylyǵy úshin ákimshilik jaýapkershilikke tartylǵandar.
Sonymen qatar, jol patrýldik polıtsııasynyń qyzmetkerleri 2016 jyldyń 31jeltoqsany men 2017 jyldyń 3 qańtary aralyǵynda aýa raıynyń jaısyz bolýyna baılanysty 21 ret avtomobıl joldarynda kólik qozǵalysyna shekteý qoıyp, 1 022 kólikti dittegen jerine deıin jetkizip saldy. Osy aralyqta oblys aýmaǵynda mas kúıdegi 23 júrgizýshi ustaldy», dep kórsetilgen habarlamada.
