Aqmola oblysynda 3 adamdy asa qatygezdikpen óltirgender sottaldy
KÓKShETAÝ. QazAqparat- Aqmola oblysynyń qylmystyq ister jónindegi mamandandyrylǵan aýdanaralyq sotynda kámeletke tolmaǵan tulǵalarǵa qatysty qylmystyq is boıynsha úkim jarııalandy, dep habarlaıdy QazAqparat tilshisi.
Eske sala keteıik, aǵymdaǵy jyldyń naýryz aıynyń basynda Aqmola oblysynyń Býrabaı aýdanyndaǵy Dmıtrıevka aýylynda úsh adam asa qatygezdikpen óltirilgen bolatyn. Osy qylmysqa kúdikti dep 2000 jáne 2001 jyldary týǵan eki jasóspirim ustaldy. Tergeý amaldary barysynda anyqtalǵandaı oqıǵa túnniń bir ýaǵynda bolǵan. Іshimdik iship alǵan kúdiktiler kórshileriniń úıine baryp, 1951 jyly jáne 1984 jyly týǵan əkesi men ulyn jəne taǵy bir adamdy baltamen uryp óltirgen. Oǵan qosa, kóshede turǵan kólikti búldirip, aıdap áketken. Osyǵan baılanysty 2000 jáne 2001 jyldary týǵan eki jasóspirimniń ústinen qylmystyq is qozǵalyp, úsh adamdy óltirip, urlaý, tonaý jáne jeke qujattardy urlaý áreketteri boıynsha aıyp taǵylǵan bolatyn.
Búgin Aqmola oblysynyń qylmystyq ister jónindegi mamandandyrylǵan aýdanaralyq sotynyń sýdıasy Serik Baımaǵambetov 2000 jylǵy A.Erbeske 12 jyl jəne onyń syıbaılasy 2001 jylǵy M.Neıshteterge 11 jyl bas bostandyǵynan aıyrý týraly úkim shyǵardy.
Sonymen qatar, QR QK 81 baby boıynsha úkim shyǵarǵan sýdıa jasóspirimderge beriletin jaza kólemi 12 jyldan aspaý kerektigin atap ótti. Alaıda, jábirlenýshi tarap aýyr qylmys jasaǵandar úshin 12 jyl az dep otyr.
