Aqmola oblysynda 3 adam jertólede ýly gazdan kóz jumdy
KÓKShETAÝ. QazAqparat - Aqmola oblysynda jertóleden kartop alyp shyqpaq bolǵan 3 adam ýly gazdan kóz jumdy, dep habarlaıdy QazAqparat tilshisi aýmaqtyq TJD baspasóz qyzmetine silteme jasap.
Vedomstvonyń málimeti boıynsha, oqıǵa sáýirdiń 18-de keshki saǵat 19:04 kezinde Jarqaıyń aýdanynyń Derjavınsk qalasynda boldy.
«Jekemenshik úıdegi jertóleden kartop alyp shyqpaq bolǵan tórt adamnyń 3-ýi ýly gazdan kóz jumdy. Onyń ishinde 2002 jylǵy bala aýrahanada esin jımastan jantásilim etken. Zardap shekkenderdiń barlyǵy Tájikstan Respýblıkasynyń azamattary.
Qazirgi kezde, osy oqıǵaǵa baılanysty sot - medıtsınalyq saraptama taǵaıyndalyp, materıaldar Jarqaıyń aýdandyq ІB joldandy. Aldyn ala málimetter boıynsha azamattar anyqtalmaǵan gazdan ýlanǵan», dep túsindirdi TJD baspasóz qyzmetindegiler.
