Aqmola oblysynda 3 adam bir kúnde jol apattarynan kóz jumdy
KÓKShETAÝ. QazAqparat - Aqmola oblysynda bir kúnde eki jol apaty bolyp, saldarynan 3 adam kóz jumdy, dep habarlaıdy QazAqparat tilshisi.
Oblystyq ІІD baspasóz qyzmetiniń málimeti boıynsha, 20 tamyz kúni oblys aýmaǵynda adam ólimine ákelip soqtyrǵan eki jol apaty tirkelgen.
«Onyń biri Arshaly aýdany aýmaǵynda «Almaty-Ekaterınbýrg» tas jolynyń 1044-shaqyrymynda boldy.
1976 jylǵy «Mersedes bents» júrgizýshisi joldyń jıeginde kóligin jóndep jatqan 1956 jylǵy er adamdy qaǵyp ketken. Ol alǵan dene jaraqatynan oqıǵa ornynda kóz jumdy.
Atalmysh faktige baılanysty QR QK-niń 345-baby boıynsha qylmystyq is qozǵalyp, sot-medıtsınalyq saraptama taǵaıyndaldy», - delingen taratylǵan habarlamada.
Sondaı-aq osy kúni tańǵy saǵat 04:45 shamasynda Ereımentaý aýdany aýmaǵyndaǵy «Astana-Ereımentaý-Shiderti» tasjolynyń 120-shaqyrymynda júk kóligi men jeńil mashına soqtyǵysty. Torǵaı aýylynyń mańynda «Shansıman» júk mashınasy men «Vaz-2114» jeńil kóliginiń soqtyǵysýy saldarynan jeńil kóliktiń 1989 jylǵy júrgizýshisi men 1995 jylǵy jolaýshysy oqıǵa ornynda kóz jumdy.
Qazirgi kezde jol-kólik oqıǵasyna baılanysty QR QK-niń 345-baby 3-bóligi boıynsha qylmystyq iz qozǵaldy.
