Aqmola oblysynda 26 jastaǵy jumysshy óndiris ornynda jaraqat aldy

KÓKShETAÝ. QazAqparat - Aqmola oblysynda jumysshynyń óndiris ornynda dene jaraqatyn alýyna baılanysty eńbekti qorǵaý erejelerin buzý boıynsha sotqa deıingi tergeý bastaldy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, bıylǵy jyldyń 25 qańtarynda Arshaly aýdandyq PB kezekshi bólimine jedel járdem stantsııasynyń feldsheri habarlasqan.

Ol 26 jastaǵy jergilikti turǵynnyń «keýde qýysynyń jaraqaty, ishtiń jaraqaty» dıagnozymen qabyldaý bólmesine jetkizilgenin aıtty.

«Jedel-tergeý toby zardap shegýshiniń kásiporyndaǵy jumys ornynda jaraqat alǵanyn anyqtady. Osyǵan baılanysty Qylmystyq kodekstiń 156-babynyń 2-bóligi «eńbekti qorǵaý erejelerin buzý» boıynsha sotqa deıingi is júrgizý bastaldy. Qazirgi ýaqytta memlekettik eńbek ınspektorynyń qorytyndysy júrgizilip, sot-medıtsınalyq saraptama taǵaıyndaldy», - dep atap ótti vedomstvodan.