Aqmola oblysynda 26 jastaǵy qyz alty kúnnen beri tabylmaı jatyr
KÓKShETAÝ. QazAqparat – Aqmola oblysynda osydan 6 kún buryn iz-túzsiz joǵalǵan 26 jastaǵy qyz izdestirilýde, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, bıylǵy jylǵy aqpannyń 11-da Kókshetaý qalalyq PB kezekshilik bólimine Sımferopol aýylynyń 57 jastaǵy turǵyny habarlasyp, 26.06.1993 jyly týǵan qyzy Sholpan Jumabekqyzy Ahmetti izdep tabýǵa kómektesýdi suraǵan. Áıeldiń aıtýynsha, 7 aqpannan bastap qyzynyń qaıda júrgeni belgisiz.
Joǵalǵan qyzdyń boıy - 156 sm, dene bitimi ortasha, shashy qara tústi, erniniń oń jaq tusynda meńi bar.
Ústine jasyl tústi, tizesine deıin uzyn kýrtka, shashaǵy bar qara shápke, kók tústi djınsy, aıaǵyna qońyrt tústi, baýy bar báteńke kıgen.
«Anasynyń aıtýynsha, qyzy 7 aqpan kúni Kókshetaý qalasyndaǵy HQO ketken. Keıin anasy habarlasqanynda uıaly telefony óshirýli bolǵan. Sodan beri esh habar joq», - deıdi vedomvstodan.
Qazirgi kezde, qyzdyń júrgen jerin anyqtaý boıynsha jedel-izdestirý sharalary júrgizilýde. Tártip saqshylary Sholpan Jumabekqyzyn kórgen jáne júrgen jerin biletin adamdar bolsa, «102» arnaıy jelisine habarlasýdy suraıdy.
