Aqmola oblysynda 214 oqýshy «Altyn belgige» úmitker
KÓKShETAÝ. QazAqparat - Aqmola oblysynda mektep bitirýshi 214 oqýshy "Altyn belgige" úmitker. Bul týraly aımaq basshysy Málik Myrzalınniń tóraǵalyǵymen ótken əkimdik məjilisinde aıtyldy, dep habarlaıdy "QazAqparat" HAA tilshisi.
Məjiliste UBT jańa formaty boıynsha testileý ótkizýge daıyndyq máselesi pysyqtaldy.
Oblystyq bilim basqarmasynyń basshysy, Balym Іzbasarovanyń aıtýynsha, bıyl óńirdegi jalpy bilim berý uıymdaryn 4331 túlek bitirip, onyń 3166 UBT tapsyrýǵa nıet bildirgen. Al 214 úmitker «Altyn belgige» tilek bildirip otyrsa, 97 túlek úzdik attestat alýǵa nıetti.
«Bıyl túlekterdiń testileýi Aqmola oblysy boıynsha, 11 testileý beketinde ótkiziledi, onyń 8-i oblys aýmaǵynda ornalassa, 3-i Astanada bolady. Sondaı-aq osy jylǵy UBT-nyń ereksheligi barlyq túlekke túsindirilgen, bul turǵyda túrli semınarlar, ata-analarmen kezdesý uıymdastyryldy»,-dep atap ótti B. Іzbasarova.
Bul turǵyda oblys ákimi, ásirese shalǵaı eldi mekenderde turatyn túlekterdiń UBT tapsyrý ýaqytynda qajetti barlyq jaǵdaıdy jasaýdy tapsyrdy. ıAǵnı olardyń kelip-ketýi, jatyn orny, tamaǵy, ata-analardyń kútý ornynda eshqandaı olqylyq bolmaı, joǵary uıymdastyrýshylyqpen ótkizýdi júktedi.
Budan basqa kórshi elderdiń JOO túsýge nıet tanytqan túlektermen, oqý támamdaǵannan keıin aımaqqa oralyp jumys jasaý týraly túsindirme jumystaryn júrgizýdi de mindettedi.
Eske sala keteıik, bıyl túlekter UBT-nyń jańa formaty boıynsha emtıhan tapsyrady. ıAǵnı mektep emtıhanyn tapsyrady, sodan keıin JOO oqýǵa túsýge nıet etkender UBT-dan ótedi.
Osy kúni oblys ákimdiginiń májilisinde, sý qoımalaryndaǵy sanıtarlyq-epıdemıologııalyq jaǵdaı jáne orman órtin aldyn-alý sharalary da talqylandy.
