Aqmola oblysynda 2023 jylǵa arnalǵan basty mindetter belgilendi
Vedomstvonyń málimetinshe, keńeste ınfraqurylym salasyna erekshe nazar aýdaryldy.
«Turǵyn úı-kommýnaldyq sharýashylyqtyń negizgi mindeti - halyqpen tikeleı jumys jasaý. Jylytý maýsymynyń basynda birqatar qıyndyqtar boldy. Býrabaı, Atbasar aýdandarynda temperatýralyq rejımniń buzylýy tirkeldi. Stepnogor qalasynda jylý kózderi men jylý jelileriniń 50 paıyzdan astamy tozǵan. Barlyq qabyldanǵan sharalarǵa qaramastan, nazar aýdaratyn máseleler bar», - dedi Ermek Marjyqpaev.
Keńeste aıtylǵandaı, aımaq basshysynyń tapsyrmasy boıynsha oblystyń barlyq eldi mekenderi qamtylǵan, sondaı-aq, turǵyndardyń ózekti máselelerin sheshý úshin qajetti tirshilikti qamtamasyz etý jáne turǵyn úı-kommýnaldyq salasyndaǵy jobalardy júzege asyrý úshin Jol kartasy jasaldy. Onda ár aýdan boıynsha barlyq táýekelder kórsetilgen.
Agroónerkásiptik keshende aýyl sharýashylyǵy ónimderin óndirý kólemin ulǵaıtý jáne jalpy salany ártaraptandyrý jónindegi jumys jalǵastyrylatyn bolady.
Sondaı-aq naqty oryndaý merzimderi bar turǵyn úı, bilim berý, densaýlyq saqtaý obektileri boıynsha qurylys ındıkatorlaryn ázirleý qajet.
Áleýmettik salanyń basym máseleleri de belgilendi.
«Aldaǵy birneshe jylda oqýshy oryndarynyń tapshylyǵy men mektepterde úsh aýysymdy oqytý máselesin tolyǵymen sheshý, aýyl turǵyndaryn medıtsınalyq kómekpen qamtýdy barynsha arttyrý, sol arqyly áleýmettik mańyzy bar aýrýlardy emdeý kórsetkishterin jaqsartý jáne dáriger kadrlardyń tapshylyǵyn azaıtý, árbir eldi mekende sport jáne mádenı nysandardyń jumys isteýin qamtamasyz etý qajet», - dep atap ótti oblys ákimi.
Osy rette, aımaq basshysy jetekshilik etetin baǵyttar boıynsha saılaýaldy baǵdarlamanyń tarmaqtaryn muqııat taldaýdy tapsyrdy.
Aıta ketsek, Aqmola oblysynyń ákimi Kókshetaý turǵyndarymen kezdesti.
