Aqmola oblysynda 200-den astam balanyń qatysýymen Prezıdent shyrshasy ótti
KÓKShETAÝ. QazAqparat - Aqmola oblysynda ótken dástúrli Prezıdent shyrshasy ótti, dep habarlaıdy QazAqparat tilshisi oblystyq bilim basqarmasyna silteme jasap.
ZOOM platformasy arqyly uıymdastyrylǵan Tık-tok «Jarqyra, jaına Jańa jyl-Táýelsiz qazaq elinde!» jańa jyldyq is-sharaǵa oblystyń barlyq óńirinen 9-13 jas aralyǵyndaǵy 200 oqýshy qatysty. Bul az qamtylǵan jáne kópbalaly otbasylardyń balalary, oqý úzdikteri, túrli jarystar men olımpıada jeńimpazdary.
«Balalarǵa kórsetilgen teatrlandyrylǵan qoıylym aıaqtalǵannan keıin ertegi keıipkerleri Aıaz ata, Aqshaqar, Fekter ZOOM platformasy arqyly oıyndar men vıktorınalar ótkizdi. Jańajyldyq merekeniń kishkentaı qonaqtaryna aqshalaı sertıfıkattar, «Samuryq – qustyń sıqyrly qalamy» kórkem kitaptary, tátti syılyqtar tabystaldy», - dedi vedomstvonyń baspasóz qyzmeti.
Prezıdenttik shyrsha - bala ómirindegi eń este qalarlyq jáne mańyzdy oqıǵalardyń biri. Oblystyń ár túkpirindegi daryndy balalar merekeni tamashalaı aldy. Ásirese, teatrlandyrylǵan qoıylym men ertegi keıipkerleri balalardyń kóńilinen shyqty.
