Aqmola oblysynda 2 jastaǵy sábıden koronavırýs anyqtaldy
KÓKShETAÝ. QazAqparat – Aqmola oblysynda sońǵy táýliktiń ishinde koronavırýs ınfektsııasyn juqtyrýdyń 23 jaǵdaıy tirkeldi.
Juqtyrǵandardyń arasynda 2 jastaǵy sábıde bar, dep habarlaıdy QazAqparat tilshisi oblystyq taýarlar jáne kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmetine silteme jasap.
Vedomstvonyń málimetinshe, vırýs juqtyrǵandar 60-33 jastaǵylar arasynda 8 er adam jáne 71-34 jastaǵylar arasynda 14 áıel. Sondaı-aq, koronavırýs 2018 jyly týǵan sábıden anyqtaldy. Onyń ishinde Kókshetaý qalasynda – 2, Bulandy aýdanynda – 11, Tselınograd aýdanynda – 6, Birjan sal, Jarqaıyń, Esil jáne Sandyqtaý aýdandarynda bir adamnan tirkeldi.
«Koronavırýs anyqtalǵan 23 adamnyń 9-y buryn juqtyrǵandarmen baılanysta bolǵandar. 14 adam medıtsınalyq mekemelerge baryp, ózdiginen júgingender retinde tirkelgen», - deıdi vedomstvodan.
Vedomstvodan atap ótkendeı, naýqastarǵa bekitilgen klınıkalyq hattamaǵa sáıkes medıtsınalyq kómek kórsetiledi. Úı oshaǵynda epıdemııaǵa qarsy dezınfektsııalaý, sondaı-aq, naýqastarmen baılanysty bolǵan adamdary anyqtaý boıynsha sanıtarlyq-epıdemıologııalyq sharalar júrgiziledi.
Jalpy, Aqmola oblysynda koronavırýs juqtyrǵandardyń sany 457 adamdy qurady.
Eske sala keteıik, osyǵan deıin habarlaǵanymyzdaı 2020 jylǵy 27-28 maýsym demalys kúnderi shekteýler engizý týraly Aqmola oblysynyń bas sanıtarlyq dərigeriniń kezekti qýlysy shyqqan bolatyn.
