Aqmola oblysynda 2 jasóspirim úsh adamdy óltirdi dep aıyptalýda
KÓKShETAÝ. QazAqparat - Búgin Aqmola oblysynyń qylmystyq ister jónindegi mamandandyrylǵan aýdanaralyq sotynda kámeletke tolmaǵan tulǵalarǵa qatysty qylmystyq is boıynsha úkim jarııalanady, dep habarlaıdy QazAqparat tilshisi.
Oblystyq sottyń baspasóz qyzmetiniń málimeti boıynsha, 2000 jáne 2001 jyldary týǵan eki jasóspirim úsh adamdy (eki nemese odan kóp adamdy; kináli adamǵa dármensiz kúıde ekeni kórineý belgili adamdy; asa qatygezdikpen jasalǵan; adamdar toby, aldyn ala sóz baılasý arqyly adamdar toby jasaǵan) óltirý, urlyq, tonaý jáne jeke qujattardy tonaý boıynsha aıyptalýda.
Eske sala keteıik, aǵymdaǵy jyldyń naýryz aıynyń basynda Aqmola oblysynyń Býrabaı aýdanyndaǵy Dmıtrıevke aýylynda úsh adam asa qatygezdikpen óltirilgen bolatyn. Osy qylmysqa kúdikti dep 2000 jáne 2001 jyldary týǵan eki jasóspirim ustaldy. Tergeý amaldary barysynda anyqtalǵandaı, oqıǵa túnniń bir ýaǵynda oryn alǵan. Іshimdik iship alǵan kúdiktiler kórshileriniń úıine baryp, 1951 jyly jáne 1984 jyly týǵan əkesi men ulyn jəne taǵy bir adamdy baltamen uryp óltirgen. Oǵan qosa, kóshede turǵan kólikti búldirgen. Osyǵan baılanysty kúdiktilerdiń ústinen qylmystyq is qozǵalǵan bolatyn.
