Aqmola oblysynda 2 myń teńgelik jalǵan kýpıýralar jıi qoldanylady
KÓKShETAÝ. QazAqparat - 2016 jyly Aqmola oblysy boıynsha Memlekettik kirister departamenti Ekonomıkalyq tergeý qyzmetiniń óndirisinde jalǵan aqsha faktileri boıynsha 42 qylmystyq is bolǵan, onyń 26-sy 2016 jyly tirkelgen.
Bul týraly jalǵan aqsha jasaý óndirisimen kúres taqyrybynda ótken «dóńgelek ústel» barysynda aıtyldy, dep habarlaıdy «QazAqparat» HAA tilshisi.
Aqmola oblystyq Memlekettik kirister departamenti kóleńkeli ekonomıkaǵa qarsy kúres basqarmasynyń basshysy Aıdos Jetpispaevtyń aıtýynsha, ótken jyldyń qorytyndysy boıynsha oblys aýmaǵynda Departament qyzmetkerlerimen aınalymnan ártúrli nomınaldaǵy 25 dana jalǵan kýpıýra alyndy.
«Onyń 16 danasy «2000 teńgelik», 1 danasy «1000 teńge», 2 danasy «5000 teńge», 3 danasy «10 000 teńge», 3 danasy «100 dollarlyq» kýpıýralar. Alynǵan jalǵan aqshalardyń basym bóligi 2000 teńgelik kýpıýralar bolyp tabylady», - dedi Aıdos Jetpispaev.
Joǵaryda aıtylǵannyń negizinde, azamattar satyp alý nemese tólem jasaý kezinde saq bolǵandary abzal. Kúmándi jalǵan aqsha qarajatyn kezdestirgen sátte Aqmola oblysy boıynsha Memlekettik kirister departamentiniń 25-14-88 nemese 25-45-51 telefondaryna habarlasýǵa bolady.
Sharaǵa Aqmola oblystyq Memlekettik kirister departamenti, óńirlik kásipkerler palatasy jáne «Ulttyq bank» AQ-nyń oblystyq fılıal ókilderi qatysty.
