Aqmola oblysynda 2 muǵalim jalǵan dıplommen kolledjde jumys istegen
KÓKShETAÝ. QazAqparat – Aqmola oblysynda kolledj basshysy eki muǵalimniń jalǵan dıplommen sabaq berip kelgenin anyqtady, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, bul týraly 10 naýryzda oqý ornynyń basshysy polıtsııaǵa habarlap aıtqan.
Polıtsııa qyzmetkerleri oblystyń aýyldarynyń biriniń 48 jáne 49 jastaǵy eki turǵynyn anyqtady.
«Pedagogtardyń ústinen Qylmystyq kodekstiń 385-babynyń 3-bóligi «jalǵan qujattardy, mórtabandardy, mórlerdi, blankilerdi, poshta tóleminiń memlekettik belgilerin, memlekettik nagradany qoldan jasaý, daıyndaý nemese ótkizý» boıynsha qylmystyq is qozǵaldy. Olar óz kinásin moıyndady. Áıelderdiń osy qujattarmen 2018 jyldan bastap jumys istep kelgeni anyqtaldy», - dedi vedomstvodan.
