Aqmola oblysynda 2 qańǵybas adamnan týberkýlezdiń ashyq túri anyqtaldy
KÓKShETAÝ. QazAqparat - Aqmola oblysynda turaqty meken-jaıy joq eki tulǵanyń týberkýlezdiń ashyq túrimen aýyrǵany anyqtaldy, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
Vedomstvonyń málimetinshe, naýqastar tártip saqshylary men úkimettik emes uıymdar júrgizgen reıd kezinde anyqtalǵan. Bul týraly koronavırýs ınfektsııasy jáne týberkýlez sııaqty juqpaly aýrýlardy aldyn alý máseleleri talqylanǵan onlaın vıdeokonferentsııa barysynda aıtyldy.
Osy rette, Aqmola oblysynyń PD bastyǵy, polıtsııa general-maıory Armanbek Baımýrzın jáne departamenttiń konsýltatıvti-keńes organynyń músheleri tarapynan polıtsııa qyzmetkerleri men olardyń otbasy músheleriniń densaýlyǵyn saqtaý jáne nyǵaıtýda kóńil bólinýde.
Shara barysynda «QR Qyzyl jarty aı qoǵamy» oblystyq fılıaly jáne Týberkýlezdi aldyn alý boıynsha «Igilik» qoǵamdyq qory» úkimettik emes uıymdardyń ókilderi polıtsııa qyzmetkerlerine koronavırýs ınfektsııasy jáne týberkýlez sııaqty juqpaly aýrýlardan qala qorǵaný kerektigin túsindirdi. Óıtkeni, búgingi tártip saqshylary medıtsına qyzmetkerleri sııaqty juqpaly indetpen kúresýde aldyńǵy shepte júr.
«Týberkýlezdi aldyn alý boıynsha «Igilik» qoǵamdyq qory» úkimettik emes uıymdardyń ókilderi men polıtsııa qyzmetkerleri birlesip, turaqty meken-jaıy joq tulǵalar arasynda týberkýlezben aýyratyndaryn anyqtaý boıynsha turaqty túrde reıdter uıymdastyryp turady. Jyl basynan beri osyndaı 150 reıd uıymdastyrylyp, sonyń nátıjesinde turaqty meken-jaıy joq eki adamnyń týberkýlezdiń ashyq túrimen aýyratyny anyqtaldy. Naýqastar Q.Qurmanbaev atyndaǵy Aqmola oblystyq týberkýlezge qarsy dıspanserine jatqyzyldy», - deıdi vedomstvodan.
