Aqmola oblysynda 2 balanyń ajaly sýdan boldy
KÓKShETAÝ. QazAqparat - Aqmola oblysynda 2 bala sýǵa batyp ketti, dep habarlaıdy QazAqparat tilshisi.
QR ІІM Tótenshe jaǵdaılar komıtetiniń resmı ókili Rýslan Imanqulovtyń aıtýynsha, qaıǵyly oqıǵalardyń biri 29 maýsym kúni Zerendi aýdanynyń Prırechnoe aýylynda bolǵan. Shaǵalaly ózenine shomylýǵa barǵan 8 jasar jasóspirim sýǵa batyp ketken. Súńgýirler onyń denesin bir táýlikten keıin tapty.
«Ekinshi jaǵdaı 30 maýsym keshki saǵat 20:15 shamasynda Atbasar aýdanynyń Marınovka aýylynda boldy. Munda 2014 jylǵy er bala qaldyq sýǵa arnalǵan qudyqqa qulap, tunshyǵyp qalǵan. Qazirgi kezde oqıǵanyń mán-jaıy anyqtalý ústinde», - dep túsindirdi Rýslan Imanqulov.
