Aqmola oblysynda 2 adam joǵalyp ketti
KÓKShETAÝ. QazAqparat – Aqmola oblysynda úıinen shyǵyp, qaıtyp oralmaǵan 43 jastaǵy áıel men 21 jastaǵy jigitke izdeý jarııalandy. Bul týrraly QazAqparat tilshisi oblystyq PD baspasóz qyzmetine silteme jasap habarlaıdy.
Vedomstvonyń málimetinshe, 12 maýsymda Kókshetaý qalalyq PB kezekshilik bólimine jergilikti turǵyn habarlasyp, 1977 jyly týǵan sińilisi Qarlyǵash Saparbekqyzy Ahmetjanovany izdep tabýǵa kómek surady. Ol maýsym aıynyń 2-de týystarynyń úıinen shyǵyp ketken, sodan habar ketken.
«Tártip saqshylaryna onyń mamyr aıynan bastap, ápkesimen birge turǵany ǵana belgili. Narkologııalyq jáne psıhonevrologııalyq dıspanserde esepte turǵan joq. Buryn isti bolǵan emes», - deıdi vedomstvodan.
Qarlyǵashtyń boıy 155 - 160 sm, botakózdi, qara shashty. Ústine kók djınsy, qara jıde kıgen.
Sonymen qatar, maýsymnyń 11-de Tselınograd aýdandyq PB kezekshilik bólimine Qoıandy aýylynyń 54 jastaǵy turǵyny habarlasyp, 28.12.1999 jyly týǵan uly Haırat Medetti izdep tabýǵa kómek surady. Ákesiniń aıtýynsha, uly 31 mamyrynda keshki saǵat 18:30 shamasynda úıinen shyǵyp ketip qaıtyp oralmaǵan.
Onyń 165-170 sm, dene bitimi aryqsha, bet beınesi azııalyqqa uqsaıdy. Ústine qara jeıde, jasyl tústi shorty men aıaǵyna qara krasovka kıgen.
Tártip saqshylary joǵalǵan azamattarǵa qatysty qandaı da bir aqparat biletin adamdar bolsa, «102» arnaıy jelisine habarlasýdy suraıdy.
