Aqmola oblysynda 19 jekemenshik klınıka memlekettik tapsyrys boıynsha jumys isteıdi
KÓKShETAÝ. QazAqparat - Aqmola oblysynda tegin medıtsınalyq kómek kórsetetin jekemenshik klınıkalardyń sany artyp keledi. Bul týraly «Əleýmettik medıtsınalyq saqtandyrý qory» kommertsııalyq emes aktsıonerlik qoǵamynyń Aqmola oblystyq fılıalynyń sarapshysy Shanhı Golýbeva aıtty, dep habarlaıdy QazAqparat tilshisi.
Onyń aıtýynsha, 2018 jyly medıtsınalyq uıymdar arasynda memlekettik tapsyrys boıynsha medıtsınalyq kómek kórsetetin jekemenshik uıymdar sany 33,8 paıyzdy quraıdy. Qazir kezde osyndaı 19 medıtsınalyq mekeme memlekettik tapsyrys boıynsha jumys isteıdi. Ótken jyly bul kórsetkish 17 bolatyn.
Aıta keteıik, 2018 jyldyń 1 qańtarynan bastap, əleýmettik medıtsınalyq saqtandyrý qory medıtsınalyq qyzmet úshin biryńǵaı tólemshiler jəne kepildendirilgen tegin medıtsınalyq kómek kórsetýdiń operatory bolyp tabylady.
2017 jyldyń 7-13 qyrkúıek kúnderi aralyǵynda əleýmettik medıtsınalyq saqtandyrý qory mindetti əleýmettik medıtsınalyq saqtandyrý júıesi jəne kepildendirilgen tegin medıtsınalyq kómek kórsetýge úmitker densaýlyq saqtaý sýbektileriniń biryńǵaı bazasyn jasady.
«Aqmola oblysynyń densaýlyq saqtaý sýbektileriniń biryńǵaı bazasyna 68 medıtsınalyq uıym kirdi. Onyń 45 memlekettik bolsa, 23 jekemenshik. Qazirgi kezde 63 medıtsınalyq uıymmen (onyń ishinde 19 jekemenshik) memlekettik tapsyrys boıynsha 98 kelisimshart jasaldy», dep túsindirdi «Əleýmettik medıtsınalyq saqtandyrý qory» kommertsııalyq emes aktsıonerlik qoǵamynyń Aqmola oblystyq fılıalynyń sarapshysy Shanhı Golýbeva.
Qazirgi kezde Kókshetaý qalasynda «Basar» JShS, «Avıtsenna», «Stomatologııa», «Myrza-Han», «Invivo», «Kóz ortalyǵy», «VV Nura», «Kókshetaý temirjol aýrýhanasy», «Nefros-Azııa» sııaqty medıtsınalyq mekemeler memlekettik tapsyrys boıynsha jumys isteıdi.
