Aqmola oblysynda 181 myń tonna qus eti óndirildi
KÓKShETAÝ. QazAqparat - 2017 jyly Aqmola oblysynda jumyrtqa óndirisi 793,6 mıllıon danaǵa jetti. Qus etiniń óndirisi 181 myń tonna nemese 2016 jylmen salystyrǵanda 135 paıyzdy qurady, dep habarlaıdy QazAqparat tilshisi oblystyq ishki saıasat basqarmasyna silteme jasap.
Sońǵy jyldary memleket tarapynan bólingen qoldaýdyń arqasynda oblysta qus sharýashylyǵy salasy qarqyndy damýda.
Birjan sal aýdanyndaǵy «QazGerQus» JShS jumyrtqa óndirisin jylyna 312 mıllıon danaǵa deıin jetkizdi. Býrabaı aýdanynda jyldyq qýaty 100 mıllıon dana jumyrtqa shyǵaratyn kásiporyn quryldy. Byltyr jyldyq qýaty 68 mıllıon dana jumyrtqa óndiretin «Tselınograd qus fabrıkasy» JShS kásiporny iske qosyldy.
Sondaı-aq, «Kapıtal Prodjekt LTD» JShS (jyldyq qýaty 20 myń tonna qus eti) jáne «Astrahan qusy» JShS (jyldyq qýaty 3 myń tonna qus eti) kásiporyndary quryldy.
«Qus sharýashylyǵy ónimine álemdik naryqta suranystyń artýyna baılanysty Aqmola oblysynyń Bulandy aýdanynda elimizdegi eń iri qus fabrıkasy «Makınsk qus fabrıkasy» JShS qurylysy júrgizilýde. Fabrıkanyń qýaty jylyna 60 myń tonna qus etin óndirýge múmkindik beredi. Alǵashqy kezeńin jylyna 4 myń tonna qus etin óndiretin kásiporynyn aǵymdaǵy jyly iske qosý kózdelgen. Al tolyq qýatyna 2020 jyly shyǵý josparlanǵan.
Osyndaı nátıjeli jumystardyń arqasynda oblys 2020 jyldary qus etin óndirý kórsetkishin jyldyq qýaty boıynsha 80 myń tonnaǵa deıin jetkizýdi mejelep otyr. Bul ımportty almastyryp, eksporttyq áleýeti arttyrady», - dep kórsetilgen habarlamada.
