Aqmola oblysynda 173 myń qusqa vaktsına salyndy

KÓKShETAÝ. QazAqparat – Aqmola oblysynda qus tumaýynyń tirkelýine baılanysty kúsheıtilgen rejımde aldyn alý sharalary júrgizilip jatyr, dep habarlaıdy QazAqparat tilshisi oblystyq ishki saıasat basqarmasyna silteme jasap.

Oblystyq veterınarııa basqarmasynyń málimetinshe, qyrkúıektiń 24- nen bastap oblystyń eldi-mekenderinde vaktsına salý jumystary qolǵa alynǵan. Búgingi tańda 173,9 myń úı qusyna ekpe salyndy. Ózimizdegi bar vaktsına esebinen iri qus fabrıkalaryndaǵy 1462 myń qusqa ekpe salyndy. Bulardyń qatarynda «Kapıtal Projekt» JShS, «Astana Qus» JShS, «Ijevsk» ÓK, «Býrabaı Agro Invest» JShS bar. Birer kúnde taǵy eki qus fabrıkasyna vaktsına jetkiziletini kútilýde.

Basqarma basshysy Bazarbaı Bulashevtiń aıtýynsha, indetke monıtorıng boıynsha sharalar kúndelikti baqylaýda.

«Qus tumaýynyń taralýyna jol bermeý maqsatynda úı qustarynyń jabaı qustarmen baılanysyn boldyrmaý úshin óńir turǵyndary men qus sharýashylyqtarynyń basshylaryna túsindirý jumystary júrgizilýde. Veterınarlyq qyzmetkerler kún saıyn qus sharýashylyǵy fermalaryna baryp, qustardy tekserýde. Sonymen birge, jabaıy qustar jınalatyn sý qoımalarynda baqylaý júrgizilýde», - deıdi B.Bulashev.

Zertteý nátıjesine sensek, oblystyń 9 aýdanyndaǵy 11 eldi mekende qus tumaýy anyqtalǵan.