Aqmola oblysynda 17 jastaǵy stýdent qyz joǵalyp ketti
KÓKShETAÝ. QazAqparat - Aqmola oblysynda iz-túzsiz joǵalǵan jasóspirimge izdeý jarııalandy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń deregi boıynsha, 25 qańtarda Býrabaı aýdandyq PB kezekshilik bólimine Aqylbaı aýylynyń 63 jastaǵy turǵyny habarlasyp, 17 jastaǵy qyzy habarsyz ketkenin aıtqan.
Zeınetkerdiń sózinshe, 24 qańtardan beri qyzynyń qaıda ekeni belgisiz.
Belgili bolǵandaı, Mýzykına Anastasııa Mıhaılovna jergilikti kolledjderdiń birinde birinshi kýrsta oqıdy.
24 qańtarda tańerteń ákesi avtokóligimen qyzyn Şýchege jetkizip, ózi jumysyna ketken. Sol kúni saǵat 13:00-de oǵan uly habarlasyp, aýa raıyna baılanysty kolledjde sabaq bolmaǵanyn, Anastasııanyń úıine kelmegenin aıtqan. Osyǵan deıin de birneshe ret úıinen ketip qalyp júrgendikten ata-anasy ózi keler dep oılaǵan.
«Anastasııanyń boıy 160-165sm, ortasha deneli, shashy ortasha uzyn qara túske boıalǵan, kózi qońyr tústi. Basyna toqylǵan kók tústi shápke, ústine arqa tusynda «adidas» jazýy bar qara kók tústi kúrtki, kók tústi djınsy, aıaǵyna kók tústi kebis (ýgı) kıgen. Keıbir málimet boıynsha, onyń Nur-Sultan qalasynda júrgeni anyqtaldy. Іzdeý jumystary júrip jatyr», - deıdi vedomstvodan.
Polıtsııa qyzmetkerleri Mýzykına Anastasııa Mıhaılovnanyń júrgen jerin biletin adamdar bolsa, 2002 nemese «102» jedel jelisine habarlasýdy suraıdy.
