Aqmola oblysynda 16 jastaǵy jasóspirimniń ústine beton qulap, mert boldy
KÓKShETAÝ. QazAqparat - Aqmola oblysynda jazataıym oqıǵa saldarynan 16 jastaǵy bozbala kóz jumdy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, búgin sáýirdiń 8-de saǵat 11:00 Esil aýdandyq polıtsııa bólimine aýdandyq aýrýhana feldsheri habarlasyp, aýrýhanaǵa jetkizilgen jasóspirimniń qaıtys bolǵanyn aıtqan.
«Anyqtalǵandaı, Esil qalasynyń 16 jastaǵy turǵyny 1-kýrs stýdentiniń ústine «Esil qalasynyń №7 agrotehnıkalyq kolledjiniń» aýmaǵynan tys jerde ornalasqan kókónis qoımasyna kire beristegi shatyrdan (kúnqaǵardan) beton plıta qalǵan. Osy oqıǵa Qylmystyq kodekstiń 306 babynyń 3 bóligi «qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetterdi kórsetý» boıynsha sotqa deıingi tergep-tekserýdiń biryńǵaı tizilimine engizildi», - dedi vedomstvodan.
