Aqmola oblysynda 16 bala dúnıege keldi

KÓKShETAÝ. QazAqparat – Prezıdent saılaýy kúni Aqmola oblysynda 16 sábı dúnıege keldi, dep habarlaıdy QazAqparat tilshisi.

Oonyń 11-i - qyz, beseýi - ul, arasynda egizder de bar.

Aqmola oblystyq perınataldy ortalyǵynyń bólim jetekshisi Aıymgúl Mahanovanyń aıtýynsha, qazirgi kezde balalardyń jáne olardyń analarynyń jaǵdaıy jaqsy.

«Jyldyń basynan beri óńirde 3820 sábı dúnıege keldi. Qazirgi kezde oblystyq perınataldy ortalyqta jańa bosanǵan jáne júkti 80-ge jýyq áıel bar. Onyń barlyǵy osynda uıymdastyrylǵan saılaý ýchaskesinde óz tańdaýyn jasady. Sonymen birge, búgin saılaý kúni 16 sábı dúnıege keldi, onyń 11-i qyz, beseýi ul, arasynda egizder de bar», - deıdi Aıymgúl Mahanova.

Aıta keteıik, búgin Qosshy qalasynda 98 jastaǵy soǵys ardageri daýys berdi.